Körfuboltadómari rappar fyrir MR-inga

Rapparinn Dabbi T kom fram í fyrsta skipti í áraraðir um helgina, þegar hann tróð upp á balli MR-inga.

 

Það er komið talsvert langt síðan ég spilaði á tónleikum síðast. Því var breytt í gær. Líklegast top 3 gigg sem ég hef spilað á. Takk fyrir mig MR !! #StillGotIt @5igga @thorannadis @egillastradsson

A photo posted by Davíð Tómas Tómasson (@davidtomas88) on Jan 30, 2015 at 10:04pm PST

Rapparinn, sem heitir Davíð Tómas Tómasson, tók einhver sjö lög og virtust gestir kunna textana hans nokkuð vel, þrátt fyrir að langt sé síðan að efnið hans kom út.

Davíð er öllu þekktari sem körfuknattleiksdómari í dag, en hann dæmir í Domino's deildum karla og kvenna auk þess sem hann hefur dæmt á alþjóðlegum vettvangi.

Sem rappari sló hann í gegn með plötunni Óheflað málfar. Hann hélt eftirminnilega tónleika á Gauk á stöng árið 2006, þegar hann troðfyllti staðinn. Dabbi T var svo í hljómsveitinni 32C ásamt Emmsjé Gauta og Magse, sem er einnig þekktur fyrir að vera meðlimur í hinni goðsagnakenndu rappsveit Subterranean og Amabadama sem hefur heldur betur slegið í gegn að undanförnu.

 

Fann þessa epík grafna ofan í skúffu. Trúi varla að ég hafi bara gefið út plötu þegar að ég var 18 ára, það verður að teljast sem eitthvað. Lífið var sko ekkert sérstaklega flókið þegar að maður var bara rappari ..✌#Rapper #StillGotIt #SamtEkki

A photo posted by Davíð Tómas Tómasson (@davidtomas88) on Jan 14, 2015 at 11:56am PST

Hér að neðan má heyra nokkur lög með Dabba T.