Blái hnötturinn Andra Snæs Magnasonar var frumsýndur í Chicago á dögunum og hlaut þrjár og hálfa stjörnu af fjórum mögulegum. Leikhúsgagnrýnandinn Chicago Stage Standard dæmdi.
„Ég er afar ánægður með dóminn, ekki annað hægt,“ segir Andri Snær þegar náðist í skottið á honum á ferðalagi hans um Ameríku en sýningin fer nú sannkallaða sigurför um heiminn.
Sýningin var sömuleiðis sett upp í Toronto og gekk vonum framar. Á föstudag verður verkið svo sett upp í Álaborg í Danmörku og fréttir herma að þar muni eiga sér stað ótrúlegt sjónarspil. Nú þegar hefur þurft að kalla til staðgengil þar sem aðalleikarinn er úr leik eftir slys á æfingu. Gert er ráð fyrir sannkallaðri Íslendingasamkomu enda fjöldi Íslendinga búsettur á svæðinu.
Blái hnötturinn hittir í mark í Chicago
Tengdar fréttir
Blái hnötturinn fer sigurför um heiminn
Sagan af bláa hnettinum eftir Andra Snæ Magnason er í mikilli útrás og verður sett á svið í Danmörku og í Póllandi.
Andra Snæ vel tekið vestanhafs
Blkurnar Lovestar og Blái hnötturinn fá góða dóma í virtum tímaritum.
Frumsýning í Bandaríkjunum
Leikritið Blái hnötturinn var í fyrsta sinn sett á fjalirnar í Bandaríkjunum í gær.
