
Monk: Við höfum saknað Gylfa

Gylfi hefur ekki spilað með Swansea City síðan að hann fékk rautt spjald í bikarleik á móti Blackburn Rovers 24. janúar síðastliðinn.
Þegar Gylfi gengur inn á völlinn á laugardaginn verða liðnir 28 dagar síðan að hann spilaði með velska liðinu.
„Við höfum saknað Gylfa. Strákarnir hafa stigið fram í fjarveru hans og staðið sig vel en Gylfi hefur spilað vel fyrir okkur á tímabilinu," sagði Garry Monk, knattspyrnustjóri Swansea City, í viðtali við Wales Online.
„Hann var aðeins of fljótfær á móti Blackburn en hann mun berjast fyrir því að koma sér aftur í gang og fara að hjálpa liðinu. Gylfi er búinn að standa sig mjög vel og hefur fallið mjög vel inn í þetta hjá okkur," sagði Monk.
„Gylfi hefur bætt hlutum við leik sinn síðan að hann var hérna síðast og það kom mér á óvart að ég gat fengið hann síðasta sumar. Hann hefur verið frábær," sagði Monk.
„Gylfi er hungraður leikmaður, hann vinnur ótrúlega vel fyrir liðið og það er bara gott fyrir okkur að fá hann aftur til baka. Gylfi er einn af þessum leikmönnum sem geta komist eins hátt og þeir ætla sér," sagði Monk.
Gylfi Þór Sigurðsson er með 4 mörk og 8 stoðsendingar í 21 deildarleik með Swansea City á tímabilinu.
Tengdar fréttir

Gylfalausir Swansea-menn töpuðu í kvöld - öll úrslitin í enska
Gylfi Þór Sigurðsson tók í kvöld út þriðja leikinn í þriggja leikja banni sínu og Swansea þurfti að sætta sig við tap án íslenska landsliðsmannsins.

Shelvey var sagt að líkjast Gylfa meira og nú gæti hann hirt af honum stöðuna
Enski miðjumaðurinn sló í gegn í síðasta leik og fær tvo til viðbótar í stöðunni hans Gylfa Sig.

Aðeins þrír hlaupið meira en Gylfi Þór á tímabilinu
Dugnaður íslenska landsliðsmannsins í fyrstu umferðinni gegn Manchester United enn á topp 10 listanum.

Gylfalausir Swansea-menn unnu sterkan sigur | Sjáðu markið hjá Shelvey
Jonjo Shelvey tryggði Swansea mikilvægan á Southampton í seinni leik dagsins í ensku úrvalsdeildinni.

Rauða spjaldi Gylfa ekki áfrýjað | Sjáðu brotið
Swansea verður án Gylfa Þórs Sigurðssonar í næstu þremur leikjum liðsins í ensku úrvalsdeildinni í fótbolta.

Gylfi átti eitt af mörkum helgarinnar | Sjáðu markið
Gylfi Þór Sigurðsson skoraði frábært mark fyrir Swansea City í ensku bikarkeppninni um helgina.

Gylfi skoraði og fékk rautt | Swansea úr leik
Glæsimark Gylfa Þórs Sigurðssonar dugði Swansea ekki til sigurs gegn B-deildarliði Blackburn Rovers í 4. umferð ensku bikarkeppninnar í dag.