Eiður: Ræði ekki nýjan samning fyrr en eftir tímabilið í Kína Eiríkur Stefán Ásgeirsson skrifar 8. október 2015 11:59 Eiður Smári Guðjohnsen á æfingu landsliðsins í dag. Vísir/Vilhelm Eiður Smári Guðjohnsen segir óákveðið hvað taki við hjá sér eftir að keppnistímabilinu lýkur í Kína um miðjan næsta mánuð. Samningur hans við Shijiazhuang Ever Bright rennur þá út en hann mun ekki ræða framhaldið fyrr en þá. Eiður Smári er nú staddur hér á landi þar sem að íslenska landsliðið á tvo síðustu leiki sína fram undan í undankeppni EM 2016. Ísland er sem kunnugt er þegar búið að tryggja sæti sitt í lokakeppninni en Eiður segir, eins og aðrir landsliðsmenn, að liðið ætli sér að vinna leikina tvo og tryggja sér efsta sæti riðilins. Ísland mætir Lettlandi á laugardaginn og segir Eiður að undirbúningurinn í vikunni hafi verið svipaður og fyrir aðra leiki hjá þeim Lars Lagerbäck og Heimi Hallgrímssyni landsliðsþjálfurum. „Það er eitt af því sem Lars hefur komið með inn í liðið er að það er mikið um endurtekningar,“ sagði Eiður Smári í samtali við fjölmiðla fyrir æfingu liðsins í morgun. „Við höfum auðvitað líka farið yfir lettneska liðið en heilt yfir er þetta mikil endurtekning, bæði í varnarleik okkar og sóknarleik.“Sjá einnig: Eiður Smári: Ætli EM verði ekki bara að duga Hann segir að það sé erfitt að brjóta lið Lettlands niður, líkt og hafi komið í ljós í leikjum liðsins gegn Tyrklandi og Tékklandi. Lettar hafi breytt leikstíl sínum mikið og orðið þétt varnarlið sem stóli meira á skyndisóknir. „Við þurfum að vera með aðeins annað hugarfar og stjórna leiknum meira en þegar við mætum liðum eins og Hollandi, Tékklandi og Tyrklandi,“ sagði Eiður Smári og bætir við að það sé lítið breytt í kringum landsliðið þó svo að liðið sé nú þegar komið á EM.Vísir/AFPSkiptir máli að spila fyrir framan íslensku þjóðina„Það væri bara vanvirðing að ætla bara að komast í gegnum þessa tvo leiki sem eftir eru. Við ætlum okkur efsta sæti riðilsins og það hefur svo mikið verið fjallað um þriðja styrkleikaflokkinn sem við eigum möguleika á að komast í.“ „En svo skiptir líka máli að spila landsleik fyrir framan íslensku þjóðina. Það hefur sitt að segja.“ Eiður segir að það ríki vitanlega mikil tilhlökkun hjá honum fyrir EM eins og öllum öðrum. „Þetta verður það mikið ævintýri að það er ekki annað hægt að vera spenntur. Eftir því sem nær dregur mun spenningurinn bara magnast.“ Heimsfrétt sem náði til Kína Hann segir að sér hafi vitanlega verið óskað til hamingju þegar hann kom aftur til síns liðs í Kína enda hafi það verið heimsfrétt að jafn lítil þjóð og Ísland hafi komist á stórmót í knattspyrnu. „Sú frétt náði alveg til Kína líka,“ segir hann. Eiður er einn þriggja leikmanna íslenska landsliðsins sem spilar nú í Kína og hefur verið fjallað um löng ferðalög þeirra fyrir og eftir landsleikjaverkefni. „Það hefur gengið mun betur að koma hingað til Evrópu og heim til Íslands en að fara aftur út. Ég lenti í djöfullegu ferðalagi eftir síðasta leik þar sem ég lagði af stað á þriðjudegi en var kominn á endastöð á laugardegi,“ segir hann og brosir. „Ég hef líka verið heppinn með það að ég hef fengið nokkra frídaga áður en ég kem heim og því er öll ferðaþreyta úr sögunni hjá manni þegar maður hittir svo landsliðið.“Sjá einnig: Landkönnuðurinn Eiður SmáriEiður hefur áður greint frá því að það hafi reynt á hann fyrstu vikurnar og mánuðina í Kína en að það hafi svo lagast til muna. Eiður var varamaður í fyrstu sjö leikjum sínum með liðinu en byrjað svo síðustu fjóra hjá Shijiazhuang, sem er í sjötta sæti kínversku deildarinnar. „Sérstaklega hefur síðasti mánuður verið allt annar. Nú veit maður að hverju maður er að ganga - maður þekkir umhverfið og lífið þarna úti. Það er líka mikill munur að ég hef spilað hvern leik upp á síðkastið og það er stærstu parturinn af þessu - að spila fótbolta.“ Engin skýr mynd um framhaldið Hann er samningsbundinn Shijiazhuang til loka tímabilsins og það tekur enda í næsta mánuði. Eiður segir að það hafi verið ákveðið að ræða ekki málin fyrr en að því loknu. „Ég er auðvitað farinn að undirbúa hvað taki við eftir tímabilið en það er engin skýr mynd komin á það. Ég vil sýna liðinu sem ég spila fyrir virðingu og gefa okkur tækifæri til að ræða framhaldið og hvort það sé vilji til að halda samstarfinu áfram.“ Hann segir að það hefði ekki slæm áhrif á undirbúning sinn fyrir EM næsta sumar ef hann myndi taka annað tímabil í Kína.Sjá einnig: Eiður Smári fékk aldrei formlegt samningstilboð frá Bolton „Undirbúningstímabilið hefst í janúar og deildin í mars. Hún verður því í fullum gangi þegar keppnin hefst í Frakklandi. Það gæti líka verði sterkt að taka undirbúningstímabil sex mánuðum fyrir EM og ef til vill gott fyrir gamlan mann eins og mig að leikjaálagið sé ekki of mikið,“ segir hann og brosir. „Það væri því mjög auðvelt að koma mjög ferskur inn í sumarið. Það helsta sem ég þyrfti að skoða væru þessar sex vikur frá því að tímabilinu lýkur þar til að nýtt undirbúningstímabil hefst. Ég gæti tekið mér frí í viku en þyrfti svo að huga að því að koma mér aftur af stað svo að það yrði ekki of langt stopp.“Eiður Smári í leik með íslenska landsliðinu.Vísir/Getty EM 2016 í Frakklandi Fótbolti Mest lesið Gætt af Interpol og sagt að fela fána fyrir leikinn við Ísland Körfubolti Hæsti fótboltamaður í heimi Fótbolti Rio grínaðist með söngva Liverpool fólksins Enski boltinn Má ekki skipta um föt í búningsklefa Arsenal en má spila með liðinu Enski boltinn Sjáðu draumamark Tryggva, erfitt víti í rokinu og Valdimar leiða Víking til sigurs Íslenski boltinn „Ekkert auðvelt fyrir þann sem fer í hans skó“ Íslenski boltinn Tryggvi setti „að moka skít“ í annað sætið Körfubolti Landsliðsmenn hita upp fyrir EM í Pallborðinu Körfubolti Fundu stelpuna sem gaf Duplantis happaarmbandið og nú vill hann nýtt Sport Stjóri Ísaks Bergmanns vakti athygli fyrir klæðaburð sinn Fótbolti Fleiri fréttir Í beinni: Breiðablik - Athlone Town | Þurfa að slá út írsku meistarana „Ekkert auðvelt fyrir þann sem fer í hans skó“ Reiddist eigin aðdáendum en baðst svo afsökunar Sjáðu draumamark Tryggva, erfitt víti í rokinu og Valdimar leiða Víking til sigurs Rio grínaðist með söngva Liverpool fólksins Hæsti fótboltamaður í heimi Má ekki skipta um föt í búningsklefa Arsenal en má spila með liðinu Stjóri Ísaks Bergmanns vakti athygli fyrir klæðaburð sinn „Það er bæjarhátíð í Mosó um helgina og þú ert velkominn“ „Ætli þetta hafi ekki verið leikur tveggja hálfleika“ Hákon Rafn hélt hreinu þegar Brentford fór áfram en þrjú Íslendingalið úr leik Uppgjörið: Víkingur - Vestri 4-1 | Víkingar fóru illa með nýkrýnda bikarmeistara Celtic tapaði í vítakeppni í Kasakstan Gordon bað bæði liðsfélagana og Van Dijk afsökunar Uppgjörið: Valur - Afturelding 4-3 | Valur skoraði fjögur í seinni og endurheimti toppsætið Bröndby setur fimm í bann vegna slagsmála á Íslandi Heimir skildi fyrirliðann eftir heima Palace gerir hosur sínar grænar fyrir Akanji Taplausir síðan Caulker kom inn í liðið Borga fjörutíu milljónir punda fyrir kantmann sem skoraði tvö mörk í fyrra Höfnuðu fimmtíu milljóna punda tilboði í Strand Larsen Slot gagnrýnir Newcastle: „Þetta var ekki fótboltaleikur“ Fall reyndist fararheill hjá Eyjakonum Sjáðu Örvarnar hitta í mark á Meistaravöllum Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Sjá meira
Eiður Smári Guðjohnsen segir óákveðið hvað taki við hjá sér eftir að keppnistímabilinu lýkur í Kína um miðjan næsta mánuð. Samningur hans við Shijiazhuang Ever Bright rennur þá út en hann mun ekki ræða framhaldið fyrr en þá. Eiður Smári er nú staddur hér á landi þar sem að íslenska landsliðið á tvo síðustu leiki sína fram undan í undankeppni EM 2016. Ísland er sem kunnugt er þegar búið að tryggja sæti sitt í lokakeppninni en Eiður segir, eins og aðrir landsliðsmenn, að liðið ætli sér að vinna leikina tvo og tryggja sér efsta sæti riðilins. Ísland mætir Lettlandi á laugardaginn og segir Eiður að undirbúningurinn í vikunni hafi verið svipaður og fyrir aðra leiki hjá þeim Lars Lagerbäck og Heimi Hallgrímssyni landsliðsþjálfurum. „Það er eitt af því sem Lars hefur komið með inn í liðið er að það er mikið um endurtekningar,“ sagði Eiður Smári í samtali við fjölmiðla fyrir æfingu liðsins í morgun. „Við höfum auðvitað líka farið yfir lettneska liðið en heilt yfir er þetta mikil endurtekning, bæði í varnarleik okkar og sóknarleik.“Sjá einnig: Eiður Smári: Ætli EM verði ekki bara að duga Hann segir að það sé erfitt að brjóta lið Lettlands niður, líkt og hafi komið í ljós í leikjum liðsins gegn Tyrklandi og Tékklandi. Lettar hafi breytt leikstíl sínum mikið og orðið þétt varnarlið sem stóli meira á skyndisóknir. „Við þurfum að vera með aðeins annað hugarfar og stjórna leiknum meira en þegar við mætum liðum eins og Hollandi, Tékklandi og Tyrklandi,“ sagði Eiður Smári og bætir við að það sé lítið breytt í kringum landsliðið þó svo að liðið sé nú þegar komið á EM.Vísir/AFPSkiptir máli að spila fyrir framan íslensku þjóðina„Það væri bara vanvirðing að ætla bara að komast í gegnum þessa tvo leiki sem eftir eru. Við ætlum okkur efsta sæti riðilsins og það hefur svo mikið verið fjallað um þriðja styrkleikaflokkinn sem við eigum möguleika á að komast í.“ „En svo skiptir líka máli að spila landsleik fyrir framan íslensku þjóðina. Það hefur sitt að segja.“ Eiður segir að það ríki vitanlega mikil tilhlökkun hjá honum fyrir EM eins og öllum öðrum. „Þetta verður það mikið ævintýri að það er ekki annað hægt að vera spenntur. Eftir því sem nær dregur mun spenningurinn bara magnast.“ Heimsfrétt sem náði til Kína Hann segir að sér hafi vitanlega verið óskað til hamingju þegar hann kom aftur til síns liðs í Kína enda hafi það verið heimsfrétt að jafn lítil þjóð og Ísland hafi komist á stórmót í knattspyrnu. „Sú frétt náði alveg til Kína líka,“ segir hann. Eiður er einn þriggja leikmanna íslenska landsliðsins sem spilar nú í Kína og hefur verið fjallað um löng ferðalög þeirra fyrir og eftir landsleikjaverkefni. „Það hefur gengið mun betur að koma hingað til Evrópu og heim til Íslands en að fara aftur út. Ég lenti í djöfullegu ferðalagi eftir síðasta leik þar sem ég lagði af stað á þriðjudegi en var kominn á endastöð á laugardegi,“ segir hann og brosir. „Ég hef líka verið heppinn með það að ég hef fengið nokkra frídaga áður en ég kem heim og því er öll ferðaþreyta úr sögunni hjá manni þegar maður hittir svo landsliðið.“Sjá einnig: Landkönnuðurinn Eiður SmáriEiður hefur áður greint frá því að það hafi reynt á hann fyrstu vikurnar og mánuðina í Kína en að það hafi svo lagast til muna. Eiður var varamaður í fyrstu sjö leikjum sínum með liðinu en byrjað svo síðustu fjóra hjá Shijiazhuang, sem er í sjötta sæti kínversku deildarinnar. „Sérstaklega hefur síðasti mánuður verið allt annar. Nú veit maður að hverju maður er að ganga - maður þekkir umhverfið og lífið þarna úti. Það er líka mikill munur að ég hef spilað hvern leik upp á síðkastið og það er stærstu parturinn af þessu - að spila fótbolta.“ Engin skýr mynd um framhaldið Hann er samningsbundinn Shijiazhuang til loka tímabilsins og það tekur enda í næsta mánuði. Eiður segir að það hafi verið ákveðið að ræða ekki málin fyrr en að því loknu. „Ég er auðvitað farinn að undirbúa hvað taki við eftir tímabilið en það er engin skýr mynd komin á það. Ég vil sýna liðinu sem ég spila fyrir virðingu og gefa okkur tækifæri til að ræða framhaldið og hvort það sé vilji til að halda samstarfinu áfram.“ Hann segir að það hefði ekki slæm áhrif á undirbúning sinn fyrir EM næsta sumar ef hann myndi taka annað tímabil í Kína.Sjá einnig: Eiður Smári fékk aldrei formlegt samningstilboð frá Bolton „Undirbúningstímabilið hefst í janúar og deildin í mars. Hún verður því í fullum gangi þegar keppnin hefst í Frakklandi. Það gæti líka verði sterkt að taka undirbúningstímabil sex mánuðum fyrir EM og ef til vill gott fyrir gamlan mann eins og mig að leikjaálagið sé ekki of mikið,“ segir hann og brosir. „Það væri því mjög auðvelt að koma mjög ferskur inn í sumarið. Það helsta sem ég þyrfti að skoða væru þessar sex vikur frá því að tímabilinu lýkur þar til að nýtt undirbúningstímabil hefst. Ég gæti tekið mér frí í viku en þyrfti svo að huga að því að koma mér aftur af stað svo að það yrði ekki of langt stopp.“Eiður Smári í leik með íslenska landsliðinu.Vísir/Getty
EM 2016 í Frakklandi Fótbolti Mest lesið Gætt af Interpol og sagt að fela fána fyrir leikinn við Ísland Körfubolti Hæsti fótboltamaður í heimi Fótbolti Rio grínaðist með söngva Liverpool fólksins Enski boltinn Má ekki skipta um föt í búningsklefa Arsenal en má spila með liðinu Enski boltinn Sjáðu draumamark Tryggva, erfitt víti í rokinu og Valdimar leiða Víking til sigurs Íslenski boltinn „Ekkert auðvelt fyrir þann sem fer í hans skó“ Íslenski boltinn Tryggvi setti „að moka skít“ í annað sætið Körfubolti Landsliðsmenn hita upp fyrir EM í Pallborðinu Körfubolti Fundu stelpuna sem gaf Duplantis happaarmbandið og nú vill hann nýtt Sport Stjóri Ísaks Bergmanns vakti athygli fyrir klæðaburð sinn Fótbolti Fleiri fréttir Í beinni: Breiðablik - Athlone Town | Þurfa að slá út írsku meistarana „Ekkert auðvelt fyrir þann sem fer í hans skó“ Reiddist eigin aðdáendum en baðst svo afsökunar Sjáðu draumamark Tryggva, erfitt víti í rokinu og Valdimar leiða Víking til sigurs Rio grínaðist með söngva Liverpool fólksins Hæsti fótboltamaður í heimi Má ekki skipta um föt í búningsklefa Arsenal en má spila með liðinu Stjóri Ísaks Bergmanns vakti athygli fyrir klæðaburð sinn „Það er bæjarhátíð í Mosó um helgina og þú ert velkominn“ „Ætli þetta hafi ekki verið leikur tveggja hálfleika“ Hákon Rafn hélt hreinu þegar Brentford fór áfram en þrjú Íslendingalið úr leik Uppgjörið: Víkingur - Vestri 4-1 | Víkingar fóru illa með nýkrýnda bikarmeistara Celtic tapaði í vítakeppni í Kasakstan Gordon bað bæði liðsfélagana og Van Dijk afsökunar Uppgjörið: Valur - Afturelding 4-3 | Valur skoraði fjögur í seinni og endurheimti toppsætið Bröndby setur fimm í bann vegna slagsmála á Íslandi Heimir skildi fyrirliðann eftir heima Palace gerir hosur sínar grænar fyrir Akanji Taplausir síðan Caulker kom inn í liðið Borga fjörutíu milljónir punda fyrir kantmann sem skoraði tvö mörk í fyrra Höfnuðu fimmtíu milljóna punda tilboði í Strand Larsen Slot gagnrýnir Newcastle: „Þetta var ekki fótboltaleikur“ Fall reyndist fararheill hjá Eyjakonum Sjáðu Örvarnar hitta í mark á Meistaravöllum Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Sjá meira