Þriggja daga þjóðarsorg hefur verið lýst yfir í Tyrklandi vegna árásanna tveggja sem áttu sér stað í Ankara, höfuðborg Tyrklands í morgun. Tala látinna hækkar enn, og er hún nú komin í níutíu og fimm. Þá eru á annað hundrað særðir.
Ekki er vitað hverjir bera ábyrgð á árásinni, en bæði Kúrdar og hryðjuverkasamtökin Íslamskt ríki liggja undir grun.
Árásirnar voru gerðar á fjöldafundi sem lýðræðisflokkurinn HPD, sem er hliðhollur Kúrdum, stóð fyrir í höfuðborginni í morgun. Um eins konar friðarsamkomu var að ræða þar sem ræða átti hvernig hægt væri að binda enda á ofbeldi gegn verkamannaflokki Kúrda, PKK. Skömmu áður en fundurinn hófst sprungu tvær sprengjur.
Ahmet Davutoglu, forsætisráðherra Tyrklands, sagði árásina þá mannskæðustu í nútímasögu Tyrklands og lýsti í kjölfarið yfir þriggja daga þjóðarsorg. Þá sagði hann að líklega hefði verið um sjálfsmorðsárásir að ræða.
Árásirnar hafa verið fordæmdar víða um heim í dag, meðal annars Hvíta húsið og Angela Merkel kanslari Þýskalands.
Tyrkir lýsa yfir þjóðarsorg
Tengdar fréttir
Sprengjuárás í Ankara: 30 látnir eftir að tvær sprengjur sprungu á friðarsamkomu
Óttast er að 30 hafi látist og 126 særst í sprengjuárás á friðarsamkomu í höfuðborg Tyrklands.
Tala látinna í Ankara hækkar - Kúrdar lýsa yfir vopnahléi
Að minnsta kosti 86 látnir eftir sprengjuárás í höfuðborg Tyrklands. Kúrdar lýstu yfir vopnahléi skömmu eftir sprengjurnar
