Tæplega þrjátíu þúsund hafa skrifað undir hjá Björk og Andra Snæ

26.860 manns hafa, þegar þetta er skrifað, skrifað undir á vefsíðu samtakanna Gætum garðsins þar sem þess er krafist að hætt verði við áætlanir um virkjanir á hálendinu. Tónlistarkonan Björk og rithöfundurinn Andri Snær Magnason héldu blaðamannafund fyrir erlenda blaðamenn í Gamla bíói í gær til að vekja athygli á starfi Gætum garðsins.

Heart of Iceland - sign here: https://t.co/EjV0S1FHYo

— Andri Snær Magnason (@AndriMagnason) November 6, 2015

Í undirskriftarsöfnuninni, sem er á ensku, segir að rúmlega áttatíu prósent erlendra ferðamanna heimsæki Ísland fyrst og fremst vegna náttúrunnar. Hálendið sé þó í hættu vegna aukins þrýstings stjórnvalda um að virkja þar.

Ragnheiður Elín Árnadóttir iðnaðarráðherra sagði í fréttum Stöðvar 2 í gær að margt sem fram hafi komið á blaðamannafundinum í gær sé rangt og að hún væri til í að funda með Björk um málefni íslenskrar náttúru.