Sex handteknir grunaðir um að hafa hjálpað El Chapo að strjúka

Lögreglan í Mexíkó hefur handtekið sex einstaklinga sem grunaðir eru um að hafa aðstoðað fíkniefnabaróninn Joaqui "El Chapo" Guzman við að sleppa úr fangelsi í júlí í sumar.

Á meðal þeirra sem eru í haldi er mágur hans og sá sem talinn er hafa skipulagt flóttann, sem vakti gríðarlega athygli á sínum tíma, en um eins og hálfs kílómetra löng göng voru grafin undir fangelsið og komu þau upp í sturtuklefa El Chapo. Hann forðaði sér svo í gegnum göngin og þaðan upp í flugvél sem beið hans.