Íslensk stelpa sló í gegn á Jessie J tónleikunum og tók lagið - Myndband

Breska tónlistarkonan Jessie J tróð upp í í Laugardalshöll í gærkvöldi og heppnuðust tónleikarnir virkilega vel. Magnað atvik átti sér stað á tónleikunum þegar Yrsa Ír Scheving fékk að syngja fyrir Jessie sjálfa í einskonar áheyrnarprufu.

Yrsa stóð sig ótrúlega vel og tók lagið Halo með Beyoncé  eins og sjá má hér að neðan. Jessie J var mjög sátt með flutninginn.

Fimm þúsund og fimm hundruð áhorfendur voru í höllinni og voru sumir aðdáendur mættir sex klukkutímum fyrr fyrir utan höllina.

Jessie J spratt fram á sjónarsviðið fyrir fjórum árum en hún er fyrsta konan til að ná sex lögum af sömu plötu inn á topp tíu lista en á meðal hennar þekktustu smella eru lögin Price Tag, Bang Bang og Domino.