Gunnar Steinn skoraði þrjú mörk í tapi gegn Kiel

Kiel byrjar á sigri í þýsku úrvalsdeildinni í handbolta í dag, en Kiel bar sigurorð af VfL Gummersbach 30-26 á útivelli.

Kiel byrjaði af miklum krafti og var komið í 5-1 eftir rúmar átta mínútur. Staðan eftir rúman stundarfjórðung var svo 8-3, en í hálfleik leiddu meistararnir með tveimur mörkum 14-12.

Þeir héldu forystunni út allan síðari hálfleikinn þrátt fyrir áhlaup frá heimamönnum í VfL Gummersbach. Lokatölur fjögurra marka sigur Kiel, 30-26.

Gunnars Steinn Jónsson skoraði þrjú mörk fyrir Gummersbach, en markahæstur heimamanna var Julius Kuhn. Domagoj Duvnjak og Rune Dahmke voru markahæstir hjá Kiel með sex mörk hvor.