Sporðdreki: Ekkert getur stoppað þig

Elsku Sporðdreki. Það má líkja þér við fuglinn Fönix. Það er alveg sama hvaða erfiðleikum þú lendir í, þú finnur þér alltaf leið út úr þeim. Það er mikilvægt fyrir þig að skoða það að þú þarft að gefa þér mikið sjálfstæði næstu mánuðina og vera ákveðinn í því að sigra!

Þó svo að þér finnist þú búinn að vera aleinn í lífsins amstri þá er það það sem gerir þig miklu sterkari. Þú ert að koma svo sterkur til leiks og ert að hrista af þér mennsk sníkjudýr sem hafa verið að lifa á orkunni þinni eða góðsemi í töluverðan tíma. Þú hefur ekkert að gera við þessa dragbíta.

Þú gætir verið svolítið kvíðinn þegar september kemur en það kemur í ljós að þú átt eftir að standa þig með þvílíkum sóma. Best er að treysta og trúa því að ekkert geti stoppað þig og þó þetta verði ekki alveg einfaldasta leiðin þá áttu eftir að finna miklu meiri ástríðu fyrir því sem þú ert að gera og þegar ástríðan grípur þig, elsku sporðdrekinn minn, „then the sky's the limit“.

Þó svo að þú eigir eftir að gráta aðeins þá sérðu bara skýrar eftir það því tárin hreinsa rykið úr augum þínum.

Það er mjög mikilvægt að taka enga ákvörðun þegar þú ert reiður, skrifaðu ekkert niður nema þú viljir að allir sjái það.

Frami þinn á þessu ári byggist á næstu skrefum, þeim sem þú ætlar að taka í september! Ef þú ert sjálfstætt starfandi eða að fara i nám þá er svarið: „Já þetta er að koma.“

Mottó: Ég get, ég ætla, ég skal.

Frægir Sporðdrekar: Dísa í World Class, Helga Braga Jónsdóttir leikkona, Björk Guðmundsdóttir söngkona, Scarlett Johansson leikkona, Whoopie Goldberg leikkona, Sigríður Elva Vilhjálmsdóttir sjónvarpskona, Emmsjé Gauti, rappari.