Búið að lóga selkópnum sem slapp

ingvar haraldsson skrifar 4. ágúst 2015 17:07

Búið er að lóga selkópnum sem slapp úr Fjölskyldu- og húsdýragarðinum aðfaranótt mánudags og fannst á tjaldstæðinu í Laugardalnum. Þetta staðfestir Tómas Óskar Guðjónsson, forstöðumaður Fjölskyldu- og húsdýragarðsins.

Hilmar Össurarson, settur yfirdýrahirðir, segir að kópnum hafi verið lógað líkt og gert sé við alla þá kópa sem ekki eigi að halda. „Á haustin og seinni part sumars er öllum kópum lógað vegna plássleysis,“ segir Hilmar.

Fyrr í dag var stofnaður Facebook hópurinn „Þyrmið lífi sprettharða selkópsins“ þar sem beðið var þess að lífi selkópsins yrði þyrmt eftir að Vísir færði fregnir af því að selkópnum yrði lógað líkt og öðrum kópum og hann nýttur í refafóður. 800 manns höfðu látið sér líka við síðuna rétt fyrir klukkan fimm í dag.

Fjölskyldu- og húsdýragarðurinn

Tengdar fréttir

Selkópurinn sem slapp fer í refafóður

Verður lógað vegna plássleysis.

4. ágúst 2015 10:09

Svona flúði kópurinn: Var hann að reyna að bjarga lífi sínu?

Kópurinn sem slapp úr Húsdýragarðinum í nótt nýtti sér gat á milli steina í selalauginni við flóttann mikla.

3. ágúst 2015 23:31

Sex hundruð vilja að lífi kópsins sé þyrmt: Ekki ráðlagt að halda kóp heima hjá sér

Kópurinn sem slapp úr Húsdýragarðinum fer í refafóður.

4. ágúst 2015 16:15

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.