Heilsuvísir

Örninn TREK sigraði í WOW Cyclothon

Jóhann Óli Eiðsson skrifar
mynd/kristinn magnússon

Örninn TREK kom fyrstur liða í mark í WOW Cyclothon keppninni. Liðið hafði betur á lokasprettinum gegn HFR Ungliðum. Liðið kom í mark á nýju meti á 36 klukkustundum og 53 mínútum. Gamla metið var sett í fyrra en það var 40 klukkustundir og 36 mínútur. Bæði liðin kepptu í 10 manna liðum.
Hægt er að horfa á beina útsendingu frá keppninni á Stöð 2 Sport og á Vísi með því að smella hér.

Keppnin hófst fyrir rúmum 36 klukkustundum og hefur verið hjólað linnulaust síðan þá. Liðin hafa hjólað hringveginn nema þau lengdu hann með því að hjóla Hvalfjörðinn. Aftur á móti styttu þau sér leið yfir Öxi.

Í flokki einstaklinga leiðir Þjóðverjinn Matthias Ebert. Hægt er að heita á liðin sem taka þátt en tæplega 13,3 milljónir króna hafa safnast nú þegar með keppninni.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.