Ofurfyrirsætan Chrissy Teigen situr fyrir nakin

Fyrirsætan Chrissy Teigen situr fyrir nakin í tímaritinu DuJour. Hún fór í myndatöku ásamt eiginmanni sínu John Legend á dögunum.

Teigen, sem er 29 ára , kemur meðal annars fyrir á ströndinni, kviknakinn, en þau hjónin eru í ítarlegu viðtali í tímaritinu.

Teigen starfar sem fyrirsæta og skaust upp á stjörnuhimininn er hún sat fyrir á forsíðu tímaritsins Sport Illustrated árið 2010. Hún á norskan föður og tælenska móður en hefur verið búsett vestanhafs alla sína ævi.

Teigen giftist söngvaranum John Legend árið 2013 og hefur parið vakið athygli fyrir einstaka smekkvísi á rauða dreglinum en þau verja miklum tíma með hvort öðru.

„Okkur langar í mörg börn,“ segir hún meðal annars í viðtalinu í DuJour.

„Draumurinn væri að eignast þrjú til fjögur börn og ættleiða síðan enn fleiri. Svo ég verð sennilega ólétt það sem eftir er af ævi minni.“