Spurningabomban: Sigrún og Sindri náðu myndagátunni hárréttri

Í næstsíðasta þætti Spurningabombunnar áttust við tvö hörkulið. Annað samanstóð af Gunnari Helgasyni og Felix Bergssyni á meðan Sigrún Ósk Kristjánsdóttir og Sindri Sindrason skipuðu hitt.

Þegar kom að myndagátunni sívinsælu voru liðin hnífjöfn að stigum með fimmtán stig hvort lið. Hægt er að fá fimm stig fyrir að ná allri fyrirsögninni réttri en annars fæst eitt stig fyrir hvern ramma.

Það er skemmst frá því að segja að Sigrún og Sindri náðu fyrirsögninni hárréttri. Nú er aðeins spurning hvernig þér gengur að ráða í gátuna?