Barnastjarna tók eigið líf

Bandaríska barnastjarnan Sawyer Sweeten tók eigið líf í gærmorgun. Hann var þekktastur fyrir leik sinn í gamanþáttunum Everybody loves Raymond. Hann byrjaði að leika í þáttunum árið 1996, þá einungis 16 mánaða gamall.

Fjölskylda Sawyer staðfesti þetta við erlenda miðla en talið er að hann hafi skotið sig fyrir utan heimili fjölskyldu sinnar í gærmorgun.

Sawyer lék í þáttunum með tvíburabróður sínum og systur allt til ársins 2005, en þá var hann tíu ára gamall. Hann varði nær öllum sínum tíma við upptökur og ólst í raun upp fyrir augum bandarísku þjóðarinnar.