Lífið

Hafþór Júlíus bauð vinum sínum og foreldrum til veislu í Kuala Lumpur

Aðalsteinn Kjartansson skrifar
Hópurinn fór út í morgun til að fylgjast með sínum manni keppa um titilinn Sterkasti maður í heimi.
Hópurinn fór út í morgun til að fylgjast með sínum manni keppa um titilinn Sterkasti maður í heimi. vísir
Hafþór Júlíus Björnsson komst í góðan gír þegar foreldrar hans og vinir lentu í  Kuala   Lumpur  í dag og bauð hópnum til veislu við komuna til landsins. Ferðalagið tók 23 tíma og 10 mínútur en hópurinn lenti í  Kuala   Lumpur  klukkan 13.20 að staðartíma. 



Hópurinn fór til að fylgjast með Hafþóri takast á um titilinn Sterkasti maður heims. 

Menn voru ekki sammála um hvað það væri langt flug frá Doha til Kuala Lumpur.Vísir
Ferðalagið hófst í Leifsstöð í morgun með flugi klukkan 7.20 til Stokkhólms en þaðan var svo flogið til Doha í Katar. Björn Þór, faðir Hafþórs, og Andri Reyr Vignisson, vinur kraftajötunsins, deildu mikið í Katar um hvað síðasti leggur ferðarinnar væri langur.

Sjá einnig: Pabbi Hafþórs Júlíusar kemur keppnisskónum til Kuala Lumpur

Andri hélt því fram að það væru um það bil tveggja stunda flug til Kuala Lumpur. „Hann missti því allan anda þegar flugstjórinn sagði að við myndum lenda í Kuala Lumpur eftir 7 tíma og 40 mínútur,“ segir Einar Magnús Ólafíuson, einn úr hópnum.

„Flugið var hins vegar frábært með íslenskri flugfreyju um borð sem að stjanaði við okkur og náði hópurinn að sofa vel síðasta legginn eftir dekur frá Stellu flugfreyju,“ segir hann.



Andri Reyr Vignisson og Einar Magnús Ólafíuson verða augu og eyru Vísis í Kuala Lumpur. Fylgist vel með umfjöllun Vísis um keppnina Sterkasti maður heims 2015.



Tengdar fréttir






Fleiri fréttir

Sjá meira


×