Gjaldþrot Laugavegs 74 nam 300 milljónum

Ekkert fékkst upp í lýstar kröfur í Laugvegs 74 ehf., en þær námu tæplega 306 milljónum króna. Skiptum í félaginu er nú lokið en það var lýst gjaldþrota í þann 12. september 2013. Þetta kemur fram í Lögbirtingablaðinu í dag.

Félagið hugðist byggja á lóðinni við Laugaveg 74. Eldra hús var fjarlægt af lóðinni várið 2007. Byggja átti nýtt hús í sama stíl með þjónustu- og verslunarrými á jarðhæð en íbúðum á efri hæðum.

Í desember 2008 var haft eftir Emil Emilssyni annars eiganda Laugavegs 74 í Fréttablaðinu að vegna ástands efnahagsmála og stöðu bankanna væri verkefnið á bið. Emil sagði að framkvæmdir hefðu stöðvast sumarið 2008 og hann væri ekki bjartsýn á framhaldið.

Verkefnið komst aldrei af stað og lóðin stóð auð í fjölda ára.

Nýtt félag, Laug ehf., tók við verkefninu og reisti nýja byggingu á lóðinni. Félagið er enn skráður eigandi lóðar og húsnæðisins við Laugaveg 74.

Þar má nú m.a. finna veitingastaðinn K-Bar.