Brugðu sér í gervi Frozen söguhetja

Förðunarfræðingarnir Tara Brekkan og Ástrós Erla tóku sig til fyrir skemmstu og brugðu sér í gervi Elsu og Önnu úr kvikmyndinni Frozen. Tara tók á sig hlutverk þeirrar síðar nefndu en Ástrós gervi Elsu.

Frozen var ein vinsælasta kvikmynd síðasta árs og vart til það barn sem hefur ekki tekið ástfóstri við lagið Let It Go. Plata með lögum úr myndinni varð jafn framt sú söluhæsta á síðasta ári. 

Um myndatöku og myndvinnslu sá Arnþór Birkisson. Viljirðu sjá meira frá Töru og Ástrós þá halda þær báðar úti síðum á Facebook þar sem fólk getur skoðað vinnu þeirra.