Harrison Ford lemstraður en annars í lagi

Sonur bandaríska leikarans Harrison Ford segir föður sinn vera lemstraðan en annars í lagi eftir að hafa lent í flugslysi í gær.

Ford stýrði lítilli flugvél og brotlenti á golfvelli í Los Angeles, skömmu eftir að hafa tekið á loft á flugvellinum í Santa Monica.

Hinn 72 ára Ford tilkynnti um vélarvandræði skömmu eftir flugtak, en vélin var af gerðinni Ryan Aeronautical ST3KR vél, framleidd árið 1942 og var notuð í seinna stríði.

Ina Treciokas, talsmaður Ford, segir meiðsli hans ekki vera lífshættuleg og er búist við að hann jafni sér að fullu. Tveir læknar sem voru að spila golf á flugvellinum komu fyrstir að Ford og hlúðu að sárum hans þar til sjúkralið mætti á staðinn og flutti hann á sjúkrahús.

Ekki er að fullu ljóst hvers eðlis sár Ford eru, en fréttamiðillinn TMZ greindi frá því að hann hafi hlotið fjölmörg sár á höfði.

Í frétt BBC segir að vélin hafi hæst flogið í um 3.000 feta hæð (914 metrar) og rakst á tré á leið sinni til jarðar. Ford brotlenti á áttundu holu Penmar golfvallarins. Sérfræðingar hafa margir hrósað Ford sérstaklega fyrir nauðlendingu sína.

Harrison Ford lærði fyrst að fljúga þegar hann var kominn á sextugsaldurinn og hefur einnig leyfi til að fljúga þyrlum. Árið 1999 brotlenti Ford þyrlu í æfingaflugi í Los Angeles, en bæði Ford og kennari hans sluppu þá ómeiddir.

Að neðan má hlýða á hljóðupptöku þar sem Ford greinir flugstjórn frá vélarbiluninni.

At the hospital. Dad is ok. Battered, but ok! He is every bit the man you would think he is. He is an incredibly strong man.

— Chef Ben Ford (@ChefBenFord) March 6, 2015

Thank you all for your thoughts and good vibes for my dad.

— Chef Ben Ford (@ChefBenFord) March 6, 2015