Lífið

Netverjar leika sér með forsíðumynd Fréttablaðsins

Bjarki Ármannsson skrifar
Mynd af Hjálmari Edwardssyni í rokinu í Eyjum hefur slegið í gegn á Twitter.
Mynd af Hjálmari Edwardssyni í rokinu í Eyjum hefur slegið í gegn á Twitter. Mynd/Gunnarmh á Twitter
Mynd sem Áslaug Friðriksdóttir borgarfulltrúi tók af Hjálmari Edwardssyni, eiginmanni sínum, að berjast gegn ofsaveðri í Vestmannaeyjum í gær hefur sennilega vakið meiri athygli en þau hjónin gerðu ráð fyrir. Í morgun birtist myndin á forsíðu Fréttablaðsins undir yfirskriftinni „Loftfimleikar í lægðinni“ og nú í kvöld hafa notendur Twitter búið til skemmtilegan leik sem gengur út á að klippa Hjálmar inn í hinar ólíklegustu aðstæður.

„Það er komið nýtt trend,“ skrifar Áslaug á Facebook og deilir nokkrum myndanna. „Hláturskast!“

Myndirnar eru vissulega hver annarri skemmtilegri en netverjar hafa tengt stellinguna sem Hjálmar er í á upphaflegu myndinni við geimferðir, maraþonhlaup, körfubolta og ýmislegt fleira. Vísir tók saman nokkrar vel valdar myndir hér fyrir neðan.


Tengdar fréttir

„Þetta var alveg fáránleg sena“

Hjálmar Edwardsson skellti sér til Vestmannaeyja ásamt eiginkonu sinni og börnum í vetrarfríinu sem var í grunnskólum fyrir helgi. Þegar hann vaknaði í dag var hann á forsíðu Fréttablaðsins.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.