Matur

Kjúklingalundir í harissa með kínóa og jógúrt dressingu

Rikka skrifar
Visir/Ernir

Meistarakokkurinn Eyþór Rúnarsson bjó til  girnilegar Kjúklingalundir í harissa með kínóa og jógúrt dressingu í þætti sínum Eldhúsinu hans Eyþórs á Stöð 2.

Kjúklingalundir í Harissa

800 gr kjúklingalundir

1 stk rauð paprika

¼ tsk kóríanderfræ  

¼ tsk kúmenfræ

1 stk rauðlaukur (skrældur og gróft skorinn)

3 hvítlauksgeirar (skrældir og gróft skornir)

2 rauðir chili (kjarnhreinsaður og gróft skorinn)

½ tsk tómatpurré

2 tsk ferskur limesafi

Sjávarsalt

Setjið paprikuna inn í 200 gráðu heitan ofninn í 20 mín. Takið út úr ofninum, setjið álpappír yfir og látið standa þannig í 15 mín. Skrælið ysta lagið utan af paprikunni og takið kjarnann úr henni. Ristið þurrkryddin á pönnu við vægan hita í ca. 2 mín. Setjið kryddin svo í mortel og brjótið niður. Hitið pönnu við miðlungshita og steikið rauðlaukinn, hvítlaukinn og chili þar til allt er orðið mjúkt. Blandið öllu hráefninu saman, setjið í matvinnsluvél og vinnið saman þar til allt er orðið að mauki. Smakkið til með salti og limesafa. Veltið kjúklingnum upp úr maukinu og látið hann standa í marineringunni í 12 tíma. Ath. geymið 2 msk af maukinu til að setja út í cus cusið. Setjið lundirnar inn í 200 gráðu heitan ofninn í 20 mín eða þar til þær eru orðnar 74 gráður í kjarnhita.



Kínóa  

500 gr kínóa(soðið)

1 box cherrytómatar (skornir í helminga)

2 stk vorlaukur (fínt skorinn)

2 msk mynta(fínt skorin)

1 msk (ristað broddkúmen malað)

2 msk harissa mauk

1 stk granatepli (kjarnanir)

Safi úr 1 lime

Sjávarsalt

Setjið allt hráefnð saman í skál og smakkið það til með saltinu og limesafanum.



Jógúrt dressing

1 dós hrein jógúrt

150 gr grísk jógúrt

1 stk agúrka

1 stk lime (safinn og börkur)

1 tsk brodd kúmen

½ hvítlauksgeiri fínt rifinn

Maldonsalt

Rífið agúrkuna með grófu rifjárni og þerrið með því að vinda hana í klút. Rífið börkinn af lime-inu yfir gúrkuna með microplane járni. Bætið brodd kúmeni og hvítlauknum útí ásamt jógúrtinu og kreistið í lokinn safann úr lime-inu. Blandið öllu saman og smakkið til með maldonsalti.


Tengdar fréttir

Laxatartar með estragonsósu

Eyþór Rúnarsson, meistarakokkur, töfrar hérna fram frábæran laxatartar sem tilvalin er í jólaboðið.

Svona gerirðu graflax

Eyþór Rúnarsson, sjónvarpskokkur er með uppskrift af hinum fullkomna grafna laxi með graflaxsósu sem svíkur engan.

Ómótstæðilegt kartöflusalat

Meistarakokkurinn Eyþór Rúnarsson fór á kostum í sjónvarpsþættinum Eldhúsið hans Eyþórs á Stöð 2 í gærkvöldi. Hann reiðir fram hvern grinilegan réttinn á eftir öðrum. Hérna er hann með ómótstæðilegt kartöflusalat sem hægt er að bera fram allan ársins hring.

Sveppahjúpað hátíðarhreindýr

Hreindýr er hátíðlegur matur. Eyþór Rúnarsson, sjónvarpskokkur er hér með frábæra uppskrift af hreindýralund sem hjúpuð er sveppum, kremaðri sveppasósu og graskers-,peru- og gráðaostasalati

Ómótstæðileg epla- og brómberjabaka

Eftirréttirnir eru rúsínan í pylsuendanum á jólaborðinu. Eyþór Rúnarsson, sjónvarpskokkur töfraði fram þessa ómótstæðilegu epla- og brómberjaböku sem allir geta leikið eftir

Sætkartöflusæla með pistasíum og trönuberjum

Kartöflur eru eitt vinsælasta hráefnið á Íslandi og hægt að nota á marga vegu. Hérna er meistarakokkurinn Eyþór Rúnarsson búinn að búa til uppskrift af sætkartöfluköku sem svíkur engan.

Jólaöndin hans Eyþórs

Eyþór Rúnarsson, matreiðslumeistari og þáttastjórnandi Eldhússins hans Eyþórs á Stöð 2 bjó til ómótstæðilega heilsteikta önd með sveppa og trönuberjafyllingu ásamt ljúffengri sósu og kartöflum í hátíðarbúning.






Velkomin á Vísi. Þessi vefur notar vafrakökur. Sjá nánar.