Fjármögnunin tryggð en ESA tefur framkvæmdir

Heildarfjármögnun kísilvers PCC á Bakka við Húsavík hefur tryggð. Skýrt var nú síðdegis frá samkomulagi um að rúmlega fjórðungur lánsfjár komi frá félagi í eigu íslenskra lífeyrissjóða og Íslandsbanka.  Áður hafði komið fram í fréttum Stöðvar 2 að meginhluti lánsfjár komi frá þýska sparisjóðabankanum KfW.

Ráðamenn PCC hafa áformað að hefja framkvæmdir nú í byrjun þessa árs. Óvissa er hins vegar um hve löng töf verði vegna þeirrar ákvörðunar ESA, Eftirlitsstofnunar EFTA, fyrir áramót að rannsaka hvort  ólögmæt ríkisaðstoð felist í samningum Landsvirkjunar og Landsnets vegna kísilversins. Fulltrúar þessara aðila áforma fund í næstu viku þar sem vonast er til að framvinda málsins skýrist.