Hæstiréttur staðfesti að verjendur í fíkniefnamáli þurfi ekki að víkja

Hæstiréttur hefur staðfest úrskurð Héraðdóms Reykjavíkur þess efnis að verjendur tveggja íslenskra manna sem sitja í gæsluvarðhaldi, grunaðir um fíkniefnasmygl, þurfi ekki að víkja.

Lögreglustjórinn á höfuðborgarsvæðinu gerði kröfu um að verjendurnir tveir myndu víkja þar sem hann taldi að þeir hefðu brotið fjölmiðlabann sem skjólstæðingum þeirra var gert að sæta í gæsluvarðhaldi. Héraðsdómur féllst ekki á þá kröfu en sú niðurstaða var kærð til Hæstaréttar sem staðfesti úrskurð héraðsdóms.

Þá hefur Hæstiréttur jafnframt staðfest að mennirnir fjórir sem liggja undir grun í málinu, Íslendingarnir tveir og tveir Hollendingar, skuli sæta áframhaldandi gæsluvarðhaldi til 27. október.

Fjórmenningarnir eru grunaðir um að smygl á tugum kílóa af sterkum efnum hingað til lands með Norrænu þann 22. september.