Innlent

Vopnað rán í verslun í Kópavogi

Sunna Kristín Hilmarsdóttir skrifar
Kallað var til lögreglu sem enn er við vinnu á vettvangi.
Kallað var til lögreglu sem enn er við vinnu á vettvangi. Vísir/Anton
Vopnað rán var framið um klukkan tvö í dag í verslun Samkaupa að Hófgerði 30 í Kópavogi.

Að sögn verslunarstjóra var ræninginn vopnaður hnífi og ógnaði starfsmanni á kassa í versluninni. Engan sakaði þó. Ræninginn komst á brott með einhverja fjármuni en verslunarstjórinn vill ekki gefa upp hversu miklu hann náði að stela.

Kallað var til lögreglu sem er enn við vinnu á vettvangi. Samkvæmt upplýsingum frá lögreglu er meðal annars unnið að því að fá myndir úr öryggismyndavélum verslunarinnar.

Fyrst var greint frá málinu á DV.

Mest lesið


Fleiri fréttir

Sjá meira


×

Mest lesið