Þorgrímur Þráinsson fékk neitun í 25.sinn

Rithöfundurinn, Andri Snær Magnason segir öruggt að helstu rithöfundar landsins síðustu áratugi hefðu ekki skilað af sér öllum þeim ritverkum sem raun ber vitni.

„Hefði líkast til farið í hellulagnir í stað þess að skrifa Bláa Hnöttinn hefði ég ekki fengið listamannalun“, segir Andri sem vill auka framlög til listamanna.

Tilkynnt var í gær hvaða einstaklingar og verkefni fá starfslaun listamanna í ár. Alls voru um fimm hundruð milljónir til skiptanna og bárust 773 umsóknir. 245 umsóknir voru samþykktar. Starfslaunin eru 310 þúsund krónur á mánuði og fá listamenn ýmist þrjá til 24 mánaða úthlutun.

„Þetta er eins og 200 þúsund króna mánaðarlaun því þetta er verktakagreiðsla. Ég fékk listamannalaun þegar ég var að skrifa Bláa hnöttinn og það skipti í raun öllu máli fyrir mig að þurfa ekki að fara í hellulagnirnar sem ég hafði verið í,“ segir Andri Snær og bætir því að ef hann hefði ekki fengið listamannalaun væri hann sjálfsagt ekki rithöfundur í dag. Það eigi við um mun fleiri en hann.

„Ég held líka að flestir af okkar uppáhaldsrithöfundum frá kreppunni miklu hefðu ekki skilað af sér eins miklu og þeir hafa gert og sérstaklega ef þið skoðið frá 1970.“

Þeim fer fjölgandi, börnum og unglingum  sem geta ekki lesið sér til gagns og þá hefur almennum lesskilningi hrakað eins og nýleg Pisa könnun sýnir, svart á hvítu. Þorgrímur Þráinsson hefur gefið út 30 bækur, 25 sinnum hefur honum verið synjað.

Annar afkastamikill rithöfundur, Sigurbjörn Þorkelsson hefur 18 sinnum sótt um starfslaun og 18 sinnum verið synjað. Sigurbjörn hefur sjálfur gefið út sjö ljóðabækur, skáldsögur og bækur fyrir börn og unglinga, samtals 21 bók. Hann segist ekki hafa getað fengið upplýsingar um á hvaða forsendum umsóknum hans hafi verið hafnað.

„Ég sendi fyrirspurn fyrir 12 árum þar sem ég spurði hvað maður þyrfti að gera til að fá umsókn sína samþykkta. Ég fékk það svar þar sem það var áréttað stjórninni bæri ekki skylda til að skilgreina niðurstöðurnar,“ segir Sigurbjörn.