Vinsælustu lögin úr teiknimyndunum

Það er næstum óþarfi að kynna listamennina sem koma að söng og leikdagskránni Lögin úr teiknimyndunum.  Valgerður Guðnadóttir, Þór Breiðfjörð og Felix Bergsson eru meðal þekktustu söngvara og leikara þjóðarinnar.

Raddir Felix og Valgerðar eru hluti af æsku margra barna þar sem þau hafa sungið og leikið fjöldan allan af Disney-persónum á löngum og glæsilegum ferli.  Þar má nefna Aladdin, Konung ljónanna, Pocahontas, Mulan, Litla hafmeyjan og Magga Víglunds.  Þór er nýfluttur heim eftir farsælan feril erlendis og hann söng sig inn í hjörtu landsmanna í söngleiknum Vesalingunum á síðasta ári.

Á tónleikunum munu þau syngja frábær lög úr vel þekktum teiknimyndum og söngleikjum. Þetta verða glæsilegir tónleikar, stútfullir af vel þekktum perlum Disney, söngleikja og kvikmynda.  Meðal þess sem sungið verður eru lög úr Aladdin, Konungi ljónanna, Litlu hafmeyjunni, Apalífi, Hundalífi og Söngvaseið. Þá verður saga nokkurra mynda rakin á milli laga.

Vignir Þór Stefánsson stjórnar þriggja manna hljómsveit af alkunnri snilld ásamt því að spila á píanó.



Tvennir tónleikar fara fram í Salnum Kópavogi á laugardag, klukkan 14.00 og 16.30. Þá koma þau einnig fram í Hofi Akureyri klukkan 16.00 á sunnudag. Miðasala fer fram á Miði.is.



Á meðal þeirra laga sem munu heyrast eru:

Hakúna Matata

Apalagið úr Skógarlífi

Leið hann heim  úr Vesalingunum

Do-re-mi úr Söngvaseið

Við höldum vörð og Eitt stökk úr Aladdin

Vinur minn úr Toy Story

Bare Necessities úr Jungle Book