Karlmaður til vandræða í heimahúsi og því handtekinn

Karlmaður var handtekinn í heimahúsi á höfuðborgarsvæðinu en samkvæmt lögreglu hafði hann verið til mikilla vandræða. Maðurinn hafði ætluð  fíkniefni  í vösum sínum og var hann vistaður í fangageymslu þar til hægt verður að ræða við hann. 

Rétt eftir klukkan tíu í gærvköldi hafði lögreglan afskipti af manni á veitingahúsi í Hafnarfirði. Maðurinn grunaður um vörslu fíkniefna og hafði einnig veski meðferðis sem hann átti ekki. 

Rétt fyrir klukkan þrjú í nótt stöðvaði lögreglan bifreið á Breiðholtsbraut. Ökumaðurinn er grunaður um akstur bifreiðar undir áhrifum fíkniefna.

Um klukkan þrjú í nótt var síðan maður handtekinn í Hafnafirði grunaður um líkamsárás.  Maðurinn var vistaður í fangageymslu fyrir rannsókn máls.