Loðnan á blússandi siglingu

Loðnan er á hraðri leið vestur með Suðurströndinni og búast sjómenn við að hún muni veiðast út af Grindavík, þegar hún verður veiðanleg í brirtingu.

Nokkur skip fengu góðan afla út af Selvogi í gær og eru á landleið og sjö skip verða væntanelga komin á miðin út af Grindavík innan tíðar. Fjögur norsk loðnuskip liggja við bryggjur í Austfjarðahöfnum, en þau mega ekki veiða við Suðurströndina. Veiðiheimildir Norðmanna voru á föstudag framlengdar um viku, en þá voru flest skipanna lögð af stað heim, án þess að hafa fengið nokkurn afla hér við land.