Flensan tekur stökk

Eins og sjá má á meðfylgjandi mynd hefur inflúensan ekki náð hámarki sínu sé miðað við síðustu ár. Þá virðist hún hafa farið afar rólega af stað en tók kipp  í síðustu viku og rýkur upp að er virðist.

Fjöldi Inflúensutilfella fer nú vaxandi en flensan var staðfest í 15 einstaklingum í síðustu viku. Veikin er mun seinni á ferðinni nú en áður og herja frekar á yngra fólk en eldra. Flest tilfellin hafa verið greind á suðvesturhorninu en alls hafa 35 greinst með inflúensu undanfarnar vikur.

Þekkt er hér, líkt og annarsstaðar í heiminum að dauðsföll fylgi faraldrinum. Slíkt gerist þó nær undantekningalaust ef viðkomandi hefur aðra sjúkdóma.  

Fólk sem finnur fyrir miklum einkennum hefur leitað í tíðara mæli á slysavarðstofu. Yfirlæknir þar segir í samtali við fréttastofu að deildin sé þó langt frá full af fólki með flensu en til að koma í veg fyrir álag er fólk með einkenni inflúensu sent heim eða til heimilislæknis, nema að aðrir og alvarlegri sjúkdómar liggi undir.  

Í meðfylgjandi myndskeiði úr kvöldfréttum má sjá viðtal við yfirlækni á sóttvarnasviði Landlæknisembættisins