Sáttatillaga lögð fram

Ríkissáttasemjari hefur lagt fram sáttatillögu í kjaradeilu Starfsgreinasambandsins og Samtaka atvinnulífsins. . Tillagan mun fara fyrir atkvæðagreiðslu og mun endanleg niðurstaða liggja fyrir 7.mars nk.

Verkalýðsfélag Grindavíkur, Verkalýðsfélag Snæfellinga, Aldan, Stéttarfélag Vesturlands, Stéttarfélagið Samstaða, Báran stéttarfélag, Eining Iðja og Drífandi hafa fengið tillöguna í hendurnar. Flóabandalagið fundar með Ríkissáttasemjara á morgun og munu þá gefa upp afstöðu sína um hvort þeir muni samþykkja tillöguna eða hafna henni.

Þau starfsgreinasambönd utan samflotsins munu einnig funda um málið á morgun og eru það Verkalýðsfélag Akraness og Verkalýðsfélag Húsavíkur.

„Við höfum þá vinnureglu að við greinum ekki frá efni sáttatillagna og getum ekkert sagt um þetta efnislega,“ segir Elísabet S. Ólafsdóttir hjá Ríkissáttasemjara.

Skrifað var undir nýjan kjarasamning þann 21.desember sá síðasta ári og var hann gerður til eins árs. Þá fól hann það í sér að laun myndu hækka um 2,8% á mánuði, eða að lágmarki 8 þúsund krónur á mánuði. Efri mörk í lægsta þrepi tekjuskatts myndu hækka úr 256.000 krónum í 290.000 krónur og skatthlutfall í miðþrepi lækka um hálft prósent, eða úr 25,8%