Undirbúa opnun fjöldahjálparstöðva

Vegna eldgossins í Dyngjujökli hafa öll Jökulsárgljúfur verið rýmd og er umferð um vegina vestan-  og austanmegin við þau lokuð vegna mögulegrar hættu á hlaupi í Jökulsá á Fjöllum. Þá er unnið að því að rýma svæðin við Vesturdal, Hljóðakletta, Dettifoss og allar gönguleiðir á svæðinu.  

Samkvæmt upplýsingum frá lögreglunni á Húsavík eru allir viðbragðsaðilar á svæðinu í viðbragðsstöðu og er unnið á hættustigi. Beðið er frekari upplýsinga um jarðhræringarnar í Dyngjujökli,en sjáist teikn um að hlaup sé hafið í Jökulsá á Fjöllum verða byggðirnar í Kelduhverfi, Núpasveit og Öxarfirði rýmdar. Komi til þess þá er undirbúningar hafinn að því að opna fjöldahjálparstöðvar á Húsavík, Kópaskeri og í grunnskólanum í Reykjahlíð á Mývatni.