Betri húð um jólin

Beurer FC 95 andlitsburstinn hreinsar húðina allt að sex sinnum betur en venjuleg andlitshreinsun. Hann hentar öllum húðgerðum og er vatnsheldur. Hægt er að velja um þrjá mismunandi hraða og burstanum fylgja fjórir aukaburstar.

Birgitta Líf Björnsdóttir, 22 ára, segir að hún hafi notað burstann undanfarið og finni mikinn mun á húðinni.

„Ég er með húð sem þarf að hreinsa mjög vel. Burstinn opnar húðina, nær að losa hana við dauðar húðfrumur og önnur óhreinindi auk þess sem hún er miklu mýkri. Maður finnur hversu virkur burstinn er og hann nær miklu betur inn í húðina en venjuleg andlitshreinsun,“ segir Birgitta.

Hún segist þvo sér vel með þvottapoka á morgnana en notar burstann á hverju kvöldi.

„Það tekur ekki nema eina mínútu að fara yfir andlitið og burstinn lætur vita þegar maður á að fara á annað svæði. Það er líka þægilegt að geta ráðið hraðanum. Ég átti annan bursta áður en hann var ekki með hraðastillingum. Mér finnst þessi virka miklu betur. Ég nota venjulega burstann daglega en einu sinni í viku nota ég djúphreinsiburstann,“ segir Birgitta og bætir við að sextán ára bróðir sinn noti líka burstann með góðum árangri. „Hann er með slæma húð en finnur mikinn mun eftir að hafa notað burstann. Það er líka mjög auðvelt að hreinsa burstann eftir notkun. Ég myndi mæla með honum fyrir alla,“ segir Birgitta Líf.

Verslunin Pfaff á Grensásvegi fagnar 85 ára afmæli sínu á þessu ári. Þar er mikið úrval fallegra og nytsamlega jólagjafa.

Þar á meðal þessi öflugi andlitsbursti sem er kjörin jólagjöf handa öllum sem vilja hugsa vel um húðina. Burstinn er einn sá albesti á markaðnum og er á góðu verði. Hann hreinsar vel óhreinindi úr húðinni eftir förðunarvörur og mengun í umhverfinu. Burstinn gefur djúphreinsun. Þeir sem eru með mjög viðkvæma húð geta notað burstann og finna árangur fljótt. Burstann má nota daglega en með honum fylgir hleðslustöð.

Starfsfólk Pfaff veitir persónulega og góða þjónustu. Í Pfaff fæst glæsilegt úrval heimilis- og útiljósa, saumavéla og heilsuvara.

Þar er einnig hægt að fá hin vinsælu Sennheiser heyrnatól sem eru þekkt fyrir gæði og besta hljóminn.

Á heimasíðunni pfaff.is er hægt að skoða vöruúrvalið. Verslunin er opin frá kl. 9-18 á virkum dögum, 11-16 á laugardögum og 13-17 á sunnudögum til jóla.