Valur áfram í sextán liða úrslit bikarsins

Valur gerði góða ferð austur fyrir fjall og vann tíu marka sigur, 17-27, á Selfossi í 32-liða úrslitum Coca-Cola bikarsins í handbolta í kvöld.

Það var lítið skorað í fyrri hálfleik en þegar liðin gengu til búningsherbergja var staðan 7-9, Val í vil.

Gestirnir gáfu svo í eftir hlé, juku forskotið og unnu að lokum með tíu mörkum.

Elvar Friðriksson var markahæstur í liði Vals með sjö mörk, en Geir Guðmundsson kom næstur með fimm. Matthías Örn Halldórsson skoraði mest fyrir Selfoss, eða fimm mörk.

Markaskorarar Selfoss:

Matthías Örn Halldórsson 5, Egidijus Mikalonis 3, Ómar Vignir Helgason 2, Jóhann Erlingsson 2, Gunnar Páll Júlíusson 1, Elvar Örn Jónsson 1, Sævar Ingi Eiðsson 1, Gunnar Ingi Jónsson 1, Andri Már Sveinsson 1.

Markaskorarar Vals:

Elvar Friðriksson 7, Geir Guðmundsson 5, Kári Kristján Kristjánsson 4, Sveinn Aron Sveinsson 4, Guðmundur Hólmar Helgason 3, Orri Freyr Gíslason 2, Atli Már Báruson 1, Alexander Örn Júlíusson 1.