Engir skjálftar yfir fimm af stærð síðastliðinn sólahring

Síðasta sólarhring hafa mælst um hundrað skjálftar á landinu öllu, þar af 84 við Bárðarbungu en þetta kemur fram í tilkynningu frá Veðurstofu Íslands.

Fáir skjálftar mælast í ganginum og mælast fleiri skjálftar við Tungnafellsjökul eða rúmlega fjörutíu á ofangreindu tímabili. Þetta er svipuð virkni og sólarhringinn þar á undan.

Enginn skjálfti hefur mælst á síðastliðinn sólahring yfir fimm af stærð en fimm skjálftar hafa mælst með stærðir milli 4-5.

16. október kl 16:10 4,6

16. október kl. 21:25 4,5

17. október kl. 01:58 4,4

17. október kl. 07:14 4,0

17. október kl. 08:13 4,0