Samkvæmt heimildum fréttastofu úr fjármálaráðuneytinu bendir flest til þess að skipun nýs Seðlabankastjóra dragist fram yfir helgi. Reiknað hafði verið með því að nýr bankastjóri yrði skipaður í dag.
Viðskiptablaðið greindi frá því í vikunni að Bjarni Benediktsson fjármálaráðherra myndi skipa í embættið fimmtudag eða föstudag í þessari viku. Seðlabankastjóri er skipaður til fimm ára í senn.
Hæfisnefnd komst að þeirri niðurstöðu að úr hópi tíu umsækjenda væru þeir Friðrik Már Baldursson, Ragnar Árnason og Már Guðmundsson hæfastir. Nefndina um hæfi umsækjenda um stöðu seðlabankastjóra skipuðu þau Guðmundur Magnússon, fyrrverandi rektor Háskóla Íslands, Ólöf Nordal, fyrrverandi varaformaður og þingmaður Sjálfstæðisflokksins og núverandi formaður bankaráðs Seðlabankans, og Stefán Eiríksson lögfræðingur og fyrrverandi lögreglustjóri á höfuðborgarsvæðinu.
Hæfisskilyrðin til að gegna stöðu seðlabankastjóra eru að hafa lokið háskólaprófi í hagfræði eða tengdum greinum. Þá skal seðlabankastjóri búa yfir víðtækri reynslu og þekkingu á fjármálastarfsemi og efnahags- og peningamálum.
Umsækjendur um stöðu seðlabankastjóra
Ásgeir Brynjar Torfason
Friðrik Már Baldursson
Haukur Jóhannsson
Íris Arnlaugsdóttir
Lilja Mósesdóttir
Már Guðmundsson
Ragnar Árnason
Sandra María Sigurðardóttir
Yngvi Örn Kristinsson
Þorsteinn Þorgeirsson
Nýr Seðlabankastjóri kynntur eftir helgi
Tengdar fréttir
Fyrrverandi alþingismaður og myndlistarkona meðal umsækjenda
Alls sóttu 10 manns um stöðu seðlabankastjóra sem auglýst var laus til umsóknar í júní. Már Guðmundsson er þeirra á meðal.
Már, Ragnar og Friðrik hæfastir
Hæfisnefnd telur þrjá umsækjendur um stöðu seðlabankastjóra hæfasta.
Skipa nefnd til að meta stöðu umsækjenda
Fjármála- og efnahagsráðherra hefur skipað í nefnd til að meta hæfni umsækjenda um stöðu seðlabankastjóra
Már ætlar að sækja aftur um
Már Guðmundsson, seðlabankastjóri, ætlar að sækja aftur um hjá Seðlabankanum.
