Stjórn Icelandair Group hf. hefur ákveðið að skoða möguleika á skuldabréfaútgáfu félagsins á Íslandi. Með skuldabréfaútgáfunni er stefnt að því að auka fjölbreytni í fjármögnun félagsins og búa félagið undir fyrirhugaða fjárfestingu í nýjum flugvélum.
Í tilkynningu frá félaginu kemur fram að Seðlabanki Íslands hafi veitt félaginu heimild til þess að gefa út skuldabréf fyrir allt að 60 milljón evrur og selja til innlendra fjárfesta fyrir íslenskar krónur. Eftir sé að útfæra nákvæmlega skilmála skuldabréfanna. Icelandair Group hefur náð samkomulagi við Íslandsbanka um að annast mögulega útgáfu og sölu skuldabréfanna.
Icelandair skoðar skuldabréfaútgáfu á Íslandi
