Beckham og synirnir útataðir í slími

Knattspyrnugoðið David Beckham mætti með syni sína Romeo, ellefu ára, og Cruz, níu ára, á Kids' Choice Sports-verðlaunahátíðina í Los Angeles í gærkvöldi.

Verðlaunin eru á vegum sjónvarpsstöðvarinnar Nickelodeon eins og Kids' Choice-verðlaunahátíðin.

David fékk goðsagnaverðlaun hátíðarinnar en honum og sonum hans var komið í opna skjöldu á sviðinu.

Allt í einu sprautaðist gyllt slím á þá feðga, eins og sést í meðfylgjandi myndbandi, en hann er fyrsta manneskjan til að fá yfir sig gyllt slím á hátíðinni. Yfirleitt er það grænt.