Fullleitað í Bleiksárgljúfri

Leit stendur enn yfir að konu sem saknað er eftir sumarbústaðaferð í Fljótshlíð. Gert var hlé á leitinni á fimmta tímanum í nótt og fyrstu leitarhópar hófu svo aftur störf rétt fyrir klukkan átta í morgun.

Í tilkynningu frá Landsbjörgu kemur fram að um 40 manns séu að störfum og verður fjölgað í leitarliðinu þegar líður á daginn. Stöðufundur með lögreglu var haldinn í morgun og tekin var ákvörðun um að útvíkka leitarsvæðið til austurs.

Búið er að leita afar ítarlega í Bleiksárgljúfrinu þar sem erlenda konan fannst látin. Er það mat manna, þ.m.t. köfunarhópa sem þar hafa verið að störfum, að það sé fullleitað.