Ummæli Tony Blair harðlega gagnrýnd

Stefán Ó. Jónsson skrifar 15. júní 2014 10:28

Íraskir hermenn búa sig undir enn frekari átök. VISIR/AFP

Tony Blair, fyrrverandi forsætisráðherra Bretlands, hefur verið harðlega gagnrýndur fyrir ummæli sín um uppgang herskárra súnní-íslamista í norðurhluta Íraks.

Vígamennirnir tilheyra hópi sem berjast fyrir íslömsku ríki í Sýrlandi og Írak en samtökin eru nú betur þekkt undir nafninu ISIS. Blair sagði átökin ekki vera afleiðing innrásarinnar í Írak árið 2003, þvert á móti sé hér um ræða svæðisbundin átök. Gagnrýnendur segja Blair reyna að þvo hendur sínar af ábyrgð.

Fyrrverandi sendiherra Bretlands í Írak, sir Christopher Meyer, segir í fréttablaðinu Mail í dag að Bandaríkjamenn og Bretar séu nú að uppskera það þeir sáðu fyrir tíu árum.

Það hafi verið vitað að óstöðuleiki myndi einkenna Írak í aldarfjórðung eftir að Saddam Hussein var steypt af stóli.

Öryggissveitir Írak og vígamennirnir tókust á í nótt og svo virðist sem að Íraksher hafi orðið ágengt. Bandaríkjamenn og Íranar hafa boðið fram aðstoð sína í átökum og eru nú þrjú bandarísk herskip, þar á meðal eitt flugmóðurskip, á leið í Persaflóa þar sem þau munu bíða átekta.

Tengdar fréttir

Bandaríkjamenn útiloka ekki hernaðaríhlutun í Írak

Barack Obama bandaríkjaforseti sagði að hryðjuverkahópar þarlendis verði stöðvaðir með öllum tiltækum ráðum.

12. júní 2014 23:35

Vígamenn ráðast á Tikrit

Bærinn er einungis 150 kílómetra norður af Bagdad, höfuðborg landsins.

11. júní 2014 14:32

Ótryggt ástand í Írak

Íbúar í Baghdad búa sig undir hernaðarátök í borginni, eftir að herskáir uppreisnarmenn hertu ítök sín í landinu enn frekar. Stjórnvöld í Írak vinna að því að fá íbúa til að mynda vopnaðar sveitir til að freista þess að ná borgum aftur úr höndum uppreisnarmanna.

12. júní 2014 20:00

Sigurganga ISIS í Írak heldur áfram

Herskáir íslamistar hafa nú náð borginni Tikrit á sitt vald, degi eftir að borgin Mosul féll í þeirra hendur. Her og lögregla forðuðu sér í kjölfar átaka og almenningur flýr borgirnar. Núri al Maliki forseti vill refsa þeim hermönnum sem flúðu.

12. júní 2014 07:00

Hálf milljón flýr Mosul

Allt að hálf milljón manna hefur nú flúið borgina Mosul, þá næststærstu í Írak eftir að íslamistar náðu þar völdum í gær. Á meðal þeirra sem lögðu á flótta voru hermenn stjórnarhersins en vígamennirnir, sem tilheyra samtökunum ISIS, ráða nú lögum og lofum í öllu héraðinu.

11. júní 2014 08:04