Guðmundur á ekki von á afsökunarbeiðni frá Dujshebaev

Guðmundur Guðmundsson var í viðtali í Reykjavík síðdegis á Bylgjunni í gær.

Þar fór hann yfir ótrúlega atburðarrás sem átti sér stað eftir leik Kielce og Rhein-Neckar Löwen í Meistaradeild Evrópu um helgina.

Þar veittist Talant Dujshebaev, þjálfari Kielce, að Guðmundi bæði strax eftir leik og á blaðmannafundi stuttu síðar. Guðmundur er þjálfari Löwen sem kærði uppákomuna og er málið nú til umfjöllunar hjá Handknattleikssambandi Evrópu.

„Ég á ekki von á afsökunarbeiðni frá honum og satt best að segja hef ég áhyggjur af öðrum hlutum núna,“ sagði Guðmundur meðal annars í viðtalinu sem má heyra í heild sinni hér efst í fréttinni.

„Þetta átti ekkert skylt við íþróttina og mér finnst jafnvel enn alvarlega að svona alvarlegar ásakanir séu bornar upp í jafn mikilvægri keppni og í Meistaradeildinni. Það var vegið að heiðri manns og það fannst mér eiginlega verst. Höggið þoldi ég nú,“ bætti hann við.