Karlmaður genginn í kvenfélagið í Þykkvabæ

Konur eru nú ekki lengur einar í kvenfélaginu Sigurvon í Þykkabænum því inntaka á fyrsta karlmanninum í félagið var samþykkt á aðalfundi nýlega. Sá heitir Júlíus Már Baldursson, hænsnabóndi í Þykkvabæ. Hann segir að nýja hlutverkið leggist vel í sig en hann ætlar þó að gefa konunum næði til að ræða sín mál  á fundinum og sinna handavinnunni sinni.

Júlíus Már ræktar íslenskar landnámshænur í Dísukoti í Þykkvabæ. Hann hefur mikinn áhuga á félagsmálum og hefur sett svip sinn á samfélagið eftir að hann flutti í Þykkvabæinn frá Tjörn á Vatnsnesi en þar missti hann meirihlutann af hænsnastofninum sínum í eldsvoða. Inntöku beiðnin í kvenfélagið var tekin fyrir í lok janúar en 30 konur eru í Sigurvon. Inntökubeiðni Júlíusar Más var samþykkt með öllum greiddum atkvæðum.

„Mér líst bara vel á það að vera gengin í Sigurvon enda gott fólk hér og afskaplega almennilegt, allavega það sem ég hef nú þegar kynnst og mér líst bara vel á þetta. Auðvitað geri ég mér vel grein fyrir að þetta er kvennfélag og stelpurnar þurfa að eiga sínar stundir saman og það verður svo eins og föndur,handavinnu og slíkt nú eða ef eihverjir gestir eru á fundum eins og með snyrtivörur í kynningu og slíkt, þetta verða þá bara stundir þeirra stelpnanna, ekki fer ég að mæta á slíkar samkomur enda kann ég hvorki að hekla,prjóna,sauma eða neitt slík”, segir Júlíus Már.