Viðskipti innlent

Flest fiskiskip eru á Vestfjörðum en flestir togarar á höfuðborgarsvæðinu

Samúel Karl Ólason skrifar
Vísir/Stefán

Fjöldi fiskiskipa á skrá hjá Siglingastofnun í lok árs 2013 var 1.696 og hafði þeim fjölgað um sex frá árinu áður. Fjöldi vélskipa var alls 783 og samanlögð stærð þeirra 89.478 brúttótonn. Vélskipum fjölgaði um fimm á milli ára og stærð flotans jókst um 203 brúttótonn.

Þetta kemur fram á vef Hagstofu Íslands.

Togarar voru alls 51 en þeim fækkaði um fimm frá árinu á undan. Heildarstærð togaraflotans var 60.161 brúttótonn og hafði minnkað um 12.540 brúttótonn frá árinu 2012. Opnir fiskibátar voru 862 og 4.170 brúttótonn. Þeim fjölgaði um sex á milli ára og heildarstærðin jókst um 60 brúttótonn.

Flest fiskiskip voru með skráða heimahöfn á Vestfjörðum í lok árs 2013, en þau voru alls 401 sem samsvarar 23,6 prósentum fiskiskipastólsins. Næst flest voru fiskiskipin á Vesturlandi, alls 324, eða 19,1 prósent.

Fæst skip höfðu heimahöfn á Suðulandi en þau voru 72 talsins, sem samsvarar 4,2 prósentum fiskiskipastólsins. Flestir togarar höfðu skráða heimahöfn á höfuðborgarsvæðinu alls ellefu, en níu togarar voru skráðir á Norðurlandi eystra. Fæstir togarar voru skráðir á Vesturlandi en þeir voru þrír.

Íslenski fiskiskipastóllinn var rúmlega átta mánuðum eldri að meðaltali í árslok 2013 en í árslok 2012, en meðalaldur var um 25 ár og tveir mánuðir. Meðalaldur vélskipa var tæp 24 ár, togaraflotans tæp 28 ár og opinna fiskibáta rúm 26 ár.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.