Pakkar fólki inn í plastfilmu

Ellý Ármanns skrifar 27. febrúar 2014 14:00

„Það sem ég nota eru svokallaðir líkamsvafningar og ég er að gera bæði sellóvafninga og líkamsmótunarvefjur,“ segir Gunnleif Sandra Lárusdóttir sem vefur viðskiptavini sína inn í plastfilmu í Systraseli þar sem hún starfar þegar við spyrjum hana hvort það sé rétt og til hvers í ósköpunum.

„Sellóvafningarnar eru líkamsvafningar sem eru áhrifaríkir í meðferðir þar sem ég notast við gel í nokkrum styrkleikum. Styrkur gelsins fer eftir alvarleika vandamálsins. Í meðferðinni svitnar fólk út eitrinu og auðvitað slakar það á á sama tíma. Ég býð upp á fitumælingu sem við endurtökum í síðasta tímanum. Í gelvafningunum byrja ég á að bera krem á lílkamann og nudda því vel inn og klíp smá til örva húðina. Eftir það byrja ég að vefja fólk í selló, þegar því er lokið þá hjálpa ég viðkomandi upp á bekkinn og set hann inn í sérstakt „Thermal teppi“ sem eykur áhrifin um helming og læt viðkomandi liggja inni í því í 40 mínútur með kertaljós og spila fallega tónlist á meðan þetta er að virka. Þetta er sannkallað dekur. Þarna er fólk vafið inn og getur ekki talað í simann. Síðan sker ég plastið af og ber aloe vera á líkamann. Fólk á svo ekki að fara í sturtu næstu sex klukkutímana eftir meðferðina þar sem efnin eru enn virk á eftir. Þá er fólki ráðlagt að drekka nóg vatn og ekki fara í ljós,“ segir hún.

Hvað gerir þessi meðferð? „Meðferðin virkar á appelsínuhúð, minnkar þrálátar fitufrumur, stinnir slappa húð, styrkir veikan húðvef og minnkar aukahúð eftir þyngdartap eða meðgöngu. Síðan minnkar aðgerðin háræðaslit,“ útskýrir Gunnleif.

„Það sem ég byrja á að gera er að ræða við kúnnan minn hvað það er sem hann vill að ég hjálpi sér með og þá set ég upp plan hversu margar meðferðir viðkomandi þarf en ég mæli alltaf með lágmark sex skiptum og að fólk haldi sér svo við tvo í mánuði eftir það.“

Mest lesið

Fleiri fréttir

Mest lesið

Fleiri fréttir

Mest lesið

Tarot dagsins