„Verið að veita Tryggingastofnun auknar heimildir til að koma í veg fyrir bótasvik“

„Það er verið að veita Tryggingastofnun auknar heimildir til að koma í veg fyrir bótasvik,“ sagði Eygló Harðardóttir félagsmálaráðherra í útvarpsþættinum Bítinu á Bylgjunni í morgun. Eygló ræddi við þáttastjórnendur um ný lög sem veita Tryggingastofnun auknar heimildir til þess, að sögn Eyglóar, að tryggja að réttar greiðslur berist til réttra aðila.

„Það þarf að ríkja vissa fyrir því að það fólk sem á rétt á greiðslum, sé að fá þær greiðslur og það sé að fá réttar greiðslur. Þarna er verið að veita Tryggingastofnun sambærilegar heimildir og til dæmis atvinnuleysistryggingasjóður er með, umboðsmaður barna, að vissu leyti eins og skattstjóri hefur verið með“

Eygló segir ný löggjöfina fela í sér heimildir til aukinnar refsingar fyrir bótasvik. „Í lögunum er verið að herða á viðurlögunum. Í fyrsta lagi er stöðvað greiðslur. Tryggingastofnun hefur vísað málum áfram til lögreglu sem fjársvikamál, en enginn dómur hefur fallið í þannig málum,“ útskýrði félagsmálaráðherra í Bítinu.