Umræðufundur um prófkjör

Á morgun, fimmtudaginn 13. febrúar, stendur Félag stjórnmálafræðinga fyrir opnum umræðufundi undir yfirskriftinni „Prófraun prófkjara: kjörin fyrir hvern?“ í Hannesarholti á Grundarstíg.

Þrír framsögumenn flytja stutt erindi um ýmsar hliðar prófkjara og mun Guðlaugur Þór Þórðarson, þingmaður Sjálfstæðisflokksins, stýra umræðum að þeim loknum. Framsögumenn munu flytja eftirfarandi erindi á fundinum:



„Í prófkjörum skipta reglur engu helvítis máli“ – framboðsaðferðir og stjórnmálaþátttaka 

Rósa G. Erlingsdóttir, stjórnmálafræðingur.



Ákvarðanir kjósenda: Máttur hins ómeðvitaða

Hulda Þórisdóttir, lektor við Stjórnmálafræðideild Háskóla Íslands. 

Prófkjörin, vanþróun íslensks lýðræðis og Hrunið

Svanur Kristjánsson, prófessor við Stjórnmálafræðideild Háskóla Íslands.

Dagskráin hefst kl. 19.