Sjúkraþjálfarar semja

Síðdegis í dag var gengið frá nýjum samningi sjúkraþjálfara við Sjúkratryggingar Íslands. Þetta kemur fram í tilkynningu Félags sjúkraþjálfara. Starfsemi sjúkraþjálfara verður því með venjubundnum hætti frá morgundeginum, með greiðsluþátttöku Sjúkratrygginga Íslands samkvæmt nýrri reglugerð sem einnig var sett í dag.

Í tilkynningunni kemur fram að félagið fagnar því að heilbrigðisráðherra hafi áttað sig á alvarleika málsins og fundið leið til að leysa þann hnút sem málið var kominn í. Félagið telur að með þessum samningi geta báðir aðilar gengið sáttir frá borði. „Mikilvægast er að nú getur fólk áfram nýtt sér þjónustu sjúkraþjálfara án þess að þurfa að greiða fullt gjald og sækja svo endurgreiðslu til Sjúkratrygginga Íslands,“ segir í tilkynningunni.

Unnur Pétursdóttir, formaður Félags íslenskra sjúkraþjálfara segir í raun ekki vera mikill munur á milli samninga. „Þetta er í grundarvallaratriðum mjög svipaður samningur. Það voru gerðar breytingar á útfærsluatriðum sem virtust skipta þá miklu máli en ekki okkur. Við töldum farsælast að ganga frá þessum samningi og gerðum það.“

„Við erum komin í venjulega vinnugír. Það mun taka sjúkraþjálfarastofurnar einhvern tíma að greiða úr síðustu dögum, en fólk getur áfram leitað til sjúkraþjálfara. Við erum sátt við að ná lendingu í þessu máli, fyrir okkur og ekki síst skjólstæðinga okkar,“ segir Unnur