Borgarholtsskóli áfram í Gettu betur

Borgarholtsskóli sigraði Fjölbrautaskóla Garðabæjar í keppninni Gettu betur í kvöld, með 18 stigum gegn 16.

Lið Borgarholtsskóla er því komið í undanúrslit keppninnar ásamt Menntaskólanum á Akureyri og Menntaskólanum við Hamrahlíð.

Á föstudaginn næstkomandi fer fram síðasta viðureignin í átta liða úrslitum kepninnar en þá keppir lið Menntaskólans í Reykjavík við lið Verzlunarskólans.

Að þeirri viðureign lokinni verður dregið í beinni útsendingu um hvaða skólar mætast í undanúrslitum keppninnar.