Datt á andlitið þegar hann reyndi að stinga af frá leigubíl

Leigubílstjóri í Hafnarfirði hafði samband við lögreglu þar sem farþegi hans vildi ekki greiða fyrir farið. Lögreglan sagði manninum að fara á næstu lögreglustöð til að fá aðstoð.

Þá ákvað farþeginn að drífa sig út út bifreiðinni en datt á andlitið. Því þurfti að kalla til sjúkrabíl sem flutti farþegann á Slysadeild til aðhlynningar. Ekki var hægt að aðstoða manninn þar sem hann var mjög ölvaður en áverkar voru litlir. Hann var færður í fangageymslu.

Lögreglan ætlaði að stöðva bifreið a Grensásveg  seint í gærkvöldi en ökumaður sinnti ekki stöðvunarmerkjum lögreglu. Hófst eftirföt og bifreiðin var síðar stöðvuð rétt við Smiðjuveginn í Kópavogi.

Ökumaðurinn er grunaður um akstur undir áhrifum áfengis og fíkniefna, hann var ekki með réttindi til aksturs, hann ók meðal annars á móti rauðu ljósi og of hratt. Maðurinn var handtekinn og vistaður í fangageymslu.

Annar ökumaður var stöðvaður af lögreglu, sá er grunaður við ölvun við akstur og að aka sviptur ökuréttindum.