Opið á skíðasvæðum fyrir norðan og í Reykjavík

Skíðaunnendur fyrir norðan og í nálægt Reykjavík geta glaðst í dag en opið er á skíðasvæði Tindastóls í Skagafirðinum, Hlíðarfjalli og Skálafelli.

Lokað verður í Bláfjöllum þar sem bætt hefur í vindinn. Bláfjallagangan verður þó haldin og keppendur ræstir út klukkan 12:30.

Í Tindastól verður opið frá 11 til 16 og í tilkynningu frá skíðasvæðinu þar segir að aðstæður séu mjög góðar og mikill og góður snjór. Göngubraut verður troðið og pallar settir upp fyrir brettafólk.

Í Hlíðarfjalli er opið frá 10 til 16, þar er vindur hægur og og frábært veður að því er fram kemur í tilkynningu. Í Skálafelli verður opið frá 10 til 17. Veðrið er gott og hægur vindur, þó er kalt og fólk minnt á að klæða sig vel.