Imam ræðir konur í Íslam

Ahmad Seddeeq, imam Menningarseturs múslima á Íslandi, flytur fyrirlestur um stöðu kvenna innan íslams á opinni málstofu hjá Trúarbragðafræðistofu Hugvísindasviðs Háskóla Íslands í dag.

Meðal Spuringar sem Ahmad leitast við að svara eru hvort konur í íslam njóti frelsis eða séu undirokaðar, hvort einhver munur sé á stöðu múslimakvenna á 7. öld og þeirri 21 út frá sjónarhóli íslams og hefða og hvort múslimakonur og nútiminn nái saman eða hvort árekstrar séu þar á milli.

Fyrirlesturinn fer fram í stofu A229 í Aðalbyggingu háskólans og stendur yfir frá kl. 11:40 til kl. 13:00.

Ahmad Seddeeq er útskrifaður með MA gráðu í íslömskum fræðum frá Al-Azhar háskóla í Kaíró í Egyptalandi, einum elsta háskóla sinnar tegundar í heiminum, og hefur frá árinu 2010 starfað sem imam á Íslandi.